TIPWATIPWA TETEMA... OOH TETEMA!- 27

ILIPOISHIA:
Mkuu wa kaya alishafyumu kiasi cha kushindwa kujificha, akainyanyua nguo yangu upande wa mbele kwa jazba kali.
“Khaaa! Hicho nini?”
SASA ENDELEA...
“Aah! Kawaida tu, usiogope!” nilisema huku nikimrudisha mkuu wa kaya kwenye himaya yake kwa sababu sasa alikuwa anataka kuniaibisha.
“Umesema unanipenda si ndiyo?”
“Ndiyo!”
“Upo siriasi?”
“Nipo siriasi, nataka nikuoe.”
“Nataka ufanye jambo moja tu ambalo litanithibitishia kwamba kweli unanipenda na upo sirias unataka kuanzisha maisha na mimi.”
“Niambie chochote! Nipo tayari mama.”
“Nataka tuongozane mguu kwa mguu tukapime afya zetu,” alisema Jack, kauli iliyofanya mapigo ya moyo wangu yalipuke na kuanza kunienda mbio kwelikweli. Mkuu wa kaya alinywea ghafla na kuwa mdogo kama ‘piriton’, ama kwa hakika nilipatwa na mshtuko mkubwa mno.
Kilichonishtua na kunifanya niwe na wasiwasi mkubwa ndani ya moyo wangu ni kutokana na nyendo zangu. Nilikuwa nimejisahau mno kiasi kwamba sikuwa najali tena kuhusu afya yangu, nilichokuwa nimekiweka mbele ilikuwa ni kutimiza haja za mwili wangu tu.
Kibaya zaidi ni kwamba sikuwa nakumbuka kabisa suala la kutumia kinga! Nilianza kuhesabu ndani ya kichwa changu idadi ya wanawake niliokuwa nimeangukia nao dhambini kizembe bila hata kinga, watoto wa mjini wanaita kuuza mechi.
Kabla ya kuangukia kwa tipwatipwa Sandra wa Magomeni, nilikuwa na orodha ndefu ya mahausigeli niliokuwa nimeangukia nao dhambini kutokana na kazi yangu ya kuuza samaki. Kama nilivyoeleza mwanzo, kazi yangu ya kuuza samaki ilikuwa inanikutanisha na wanawake wa kila aina.
Awali wakati natoka kijijini nilikuwa nawaogopa sana wanawake lakini baada ya kuja mjini na kuianza kazi ya kuuza samaki hapo ndipo mambo yalipoanza kubadilika.
Mahausigeli wengi walikuwa wakinizoea sana na wengine wakawa wanataka niwapunguzie bei au wakati mwingine niwape bure samaki kwa makubaliano ya kutembea nao!
Ushamba wa kutoka bush ulinifanya nisiwe naona mbele, nikawa kazi yangu ni kuwapanga foleni na kiukweli, sikuwa hata nakumbuka idadi ya mahausigeli niliokuwa nimeangukia nao dhambini, tena wengi tukifanyia uchafu kwenye vitanda vya mabosi zao wakiwa kazini.
Nilipokutana na tipwatipwa Sandra na kuonja ladha ya vibonge, ndipo nilipoamua kubadilisha gia angani na sasa nikawa sitaki tena mahausigeli! Baada ya kutoka na Sandra ambaye nilimpeleka mpaka magetoni kwangu na kusababisha ma’mdogo anifume nikiwa namtoa asubuhi, ni kama nilikuwa nimefungulia bomba.
Ndani ya kipindi kifupi tu nilimgalagaza Mimah kisawasawa na kibaya zaidi kumbe alikuwa mke wa mtu, mumewe alisafiri kwenda nje ya nchi!
Kama hiyo haitoshi, nikajikuta pia nikishindwa kuruka mtego wa ma’mdogo, naye nikaangukia naye dhambini mara kibao! Yule mpangaji aliyeshuhudia mchezo nikitoka kuvunja amri ya sita na mamdogo, naye nikampitia na sasa nilikuwa na Jack.
Kama nilivyosema, huko kote sikuwa nakumbuka kabisa kutumia kinga! Ni kama nilikuwa nalamba asali kwenye ncha ya kisu chenye makali huku na huku!
“Vipi mbona unatokwa na jasho jingi kiasi hicho?”
“Aah! Si unajua tena feni yako haipepei vizuri na hili joto la Dar ndiyo kabisaa!” nilisema nikijaribu kuvunga mbele ya Jack kuhusu kilichokuwa kinapita ndani ya kichwa changu. Aliamka na kwenda kuongeza kasi ya feni mpaka mwisho lakini bado kijasho kikawa kinaendelea kunitoka.
“Nasubiri jibu lako! Vipi mbona kama unasitasita,” Jack aliniambia huku akiwa amenikazia macho. Kiukweli ule urembo wote aliokuwa nao, haukuonekana tena machoni mwangu, ile shauku kubwa ya kuonja asali yake niliyokuwa nayo, yote iliyeyuka na moyoni nikawa najilaumu sana kwa kukubali kwenda kuonana naye.
“Ha...hai..na tatizo Jack,” nilisema kwa kubabaika, eti kauli yangu hiyo ikamfanya afurahi sana na kuja kunibusu shavuni na kunikumbatia. Harakaharaka akainuka pale alipokuwa amekaa na kuanza kubadilisha nguo mbele yangu lakini huwezi kuamini mkuu wa kaya alikuwa ni kama amewekwa kwenye friji.
Zile mbwembwe zake zote ziliisha kabisa! Hakufukuta wala kuleta fujo na kujifanya amefyumu kama kawaida yake anapoona kitoweo mbele yake. Ama kwa hakika nilikuwa nimepatikana.
Akavaa suruali iliyombana vizuri mapaja yake yaliyokuwa yamenona kwelikweli na kumfanya ‘chura’ wake mkubwa atune kwa upande wa nyuma, akavaa na fulana f’lani hivi ya kijanja, akajipulizia manukato mazuri na kuchukua kipochi chake kidogo, kisha akanipa ishara kwamba niinuke.
Nilisimama huku nikiwa natetemeka kwelikweli lakini nikawa najificha ili asijue kilichokuwa kinaendelea ndani ya moyo wangu.
“Yaani tukipima na kama wote tuko salama, nitakupa zawadi ya mwili wangu na leo sitataka uondoke ikiwezekana ulale hapahapa, kazi itakuwa moja tu,” alisema huku akinikumbatia na kunibusu tena, nikawa nalilazimisha tabasamu.
Tulitoka, Jack akawaaga majirani zake kwa uchangamfu eti akisema ‘mista’ yaani mimi nimeamua kumtoa kwenda kula ‘lunch’, basi wale wanawake wakawa wanacheka kwa furaha lakini moyoni mwangu nilikuwa kwenye wakati mgumu kwelikweli.
Tulitoka mpaka barabarani, akasimamisha Bajaj, tukapanda, akamuelekeza dereva sijui atupeleke hospitali gani siikumbuki vizuri jina, nikajua kweli Jack amedhamiria. Mle kwenye Bajaj kulikuwa kumefunguliwa muziki mkubwa, ule wimbo wa Jebby uitwao Marehemu Ameacha Orodha ukawa unapigwa kwa sauti kubwa na kuzidi kuniongezea mchecheto.
Nilivuta picha na kujiona nikiwa nimekonda sana, mwili mzima ukiwa na vidonda na nikikohoa sana kutokana na maambukizi ya Ukimwi, mapichapicha ya majeneza, watu wakiwa msibani na misalaba makaburini yakawa yanapitapita kwenye kichwa changu na kuzidi kunipagawisha.
“Hebu ngoja kwanza, dereva hebu simama!” nilisema kwa sauti ya juu, Jack akanigeukia kwa mshangao.
Je, nini kitafuatia? Usikose next issue.

  🔞WAKUBWA TU:TAZAMA VIDEO ZA WAKUBWA LIVE UJIONEE STAILI KALI ZA KUMFIKISHA KILELENI MPENZI WAKO

=>BONYEZA HAPA/ KUTAZAMA